個風有排都未到就誇下海口? 天兔時速
一如以往，好多人唔多緊張個風大唔大，只係緊張星期一洗唔洗返工。我就希望個風唔好咁勁，我唔希望有人命傷亡!星期一返工咪返工，日日都係咁返架啦!咁唔想返工，大可以星期一請病假，斷唔應該拎市民既安全黎滿足自己。有工返係好事，為咗一日半日既假期而希望打大風，代價實在太大。衰啲講，咁諗真係好自私!消防、醫護，需要露天工作既人，打風時真係好慘;露宿者、住棚屋、木屋既人份外淒涼，實在唔希望佢哋受災。
個個地方既人知道颱風來襲,都只會希望個風細啲，減少傷亡;係香港人咁得意，想打大啲打大啲，無風就鬧天文台鬧個風無料到，搞到佢要返工，真係好特別好奇怪!
最奇特既係果啲去「感受風力」既市民，真係不知天高地厚。你死就好喇，唔好連累消防、救生員陪你冒險。人哋都有阿媽生架嘛!
颱風橫行，老套啲都係果句:留係室內，做好防風措施，希望各位安好!
沒有留言:
張貼留言