有仔唔願生

政府下個禮拜會公佈增加人口政策，以避免幾十年後人口老化。政府計劃資助不育夫婦人工受孕，慘被網民嘲笑完全唔了解民情。事實上而家市民而家唔係唔識「有仔趁嫩生」，而係「有仔唔願生」，原因如下:

1.      生仔成本太高

奶粉錢、興趣班、課外活動費、請工人……以刪數百項…...以前兩個人生幾個天生天養，而家好多費用「焗比」，兩個養一個都好大壓力。

2.      樓價高企

樓價高企，安居也難，唔洗多講。

3.      社會流動小，怕下一代無前途

父母辛苦讀咁多書大學畢業做中產都係捱生捱死打份牛工，下一代面對越來越大既競爭，可能比呢一代更辛苦。生佢出黎捱苦，生黎做乜?

4.      社會氣氛差

呢樣唔洗解釋啦，唉!

5.      教育政策差

生仔又要爭床位、要爭學位，連拎張報名表都要排到瞓街，仲敢生?

6.      工作時間長

而家工作時間越來越長，有返工無收工，自己都唔夠時間用，仲要花時間去照顧細路，更加唔洗講乜嘢旅行、享受生活，想享受生活既就未必再想生。

政府搞掂以上呢幾樣嘢，唔洗乜乜物津貼大家都會生啦!