要搵一個肯同男人食麥記既女人真係咁難咩? 我十二年黎都唔知同老公食過幾多次，我自己有時都會去食，絕對講唔上個「捱」字。只要唔係大時大節，例如聖誕、生日、情人節呢啲日子係麥記食晚餐，我諗唔少女仔都會唔介意。
如果男人唔想女人食窮自己，咁約女仔食第一餐就唔應該咁豪喇!其實女仔本來都未必有咩期許，只係如果個男人第一餐帶自己食得好豪，到第二餐就好難無期許。有期許，就會有失望囉!
如果第一餐食得一般般，咪就一般般，再落黎一係繼續交往，一係就陌路人。所以，如果男士們想有個好老婆，第一餐唔洗食得咁豪。咁當然，如果第一餐就麥記，又好似……
係麥記同高級酒店之間，其實有好大空間，何必兩極化去迫自己呢?
沒有留言:
張貼留言